Rennesøy bibliotek har opna igjen

– Me er veldig glade for å endeleg vere tilbake, seier Nina Bachke og Lars Tore Klepsvik som jobbar på Rennesøy bibliotek

Etter ein vår og sommar der utfordringane har stått i kø, håpar dei no det vil bli ein betre haust.

Sjølvbetent bibliotek, som ikkje har vore tilgjengeleg sidan februar, vil komme attende når nøklane til meieribygget vert skifta ut i slutten av september.

Nina og Lars Tore gler seg veldig til å ta på fatt på hausten med nye og varierte arbeidsoppgåver der dei ikkje alltid held seg inne på biblioteket.

– Det er ikkje så enkelt for alle å komme seg til oss, så då vil me prøve å komme oss meir ut til dei, seier dei.

Fyrste steg er å komme meir ut til skulane, og dei har tjuvstarta med ei vitjing til Vikevåg skule førre veke. Deretter vonar dei å kunne dukke opp på ulike arrangement rundt omkring i kommunedelen.

Det vil og bli nye opningstider:

Måndag til onsdag: 10-16
Torsdag: 12-18
Fredag, laurdag og sundag: stengt